Եվրոպական միությունը չեղարկելու է «НТВ» / «НТВ-Мир», «Россия-1», «РЕН ТВ» և «Первый канал» ռուսական հեռուստաալիքների արտոնագրերը: Այդ մասին հայտնել է Եվրոպական միության խորհուրդը:
Որոշումը ներառված է Ռուսաստանի նկատմամբ Եվրամիության սահմանած պատժամիջոցների իններորդ փաթեթում:
«Հարևան երկրներում իրավիճակի ապակայունացմանն ուղղված Ռուսաստանի Դաշնության համակարգված ապատեղեկատվական արշավին հակազդելու համար Խորհուրդը հանդես է գալիս տվյալ չորս ԶԼՄ-ների արտոնագրերը դադարեցնելու նախաձեռնությամբ»,- ասվում է ԵՄ խորհրդի հայտարարությունում:
Պաշտոնական Մոսկվան դեռ չի արձագանքել Եվրոպական միության այդ նախաձեռնությանը:
