Ադրբեջանում ձերբակալվել է հայտնի ընդդիմադիր ակտիվիստ, հասարակական գործիչ Բախտիյար Հաջիևը։ «Թուրան» գործակալության փոխանցմամբ՝ նա մեղադրվում է խուլիգանության մեջ։
Ալիևի կոշտ ընդդիմախոսի դեմ դատական հայց է ներկայացրել ադրբեջանցի լրագրող Ուլվիա Ալովլուն, «Թուրան»-ը նշում է, որ Հաջիևի և լրագրողի միջև հակամարտությունը «վաղուց» է։
Հաջիևը հայտնի է Ադրբեջանի իշխանությունների նկատմամբ հրապարակային քննադատությամբ, բազմիցս ձերբակալվել է և հայտարարել իր նկատմամբ քաղաքական ճնշումների մասին։
Օգոստոսին ընդդիմադիր գործիչը հայտարարել է Ադրբեջանի քաղաքացիությունից հրաժարվելու մտադրության մասին։
