Կիևն ու Մոսկվան ռազմագերիներ են փոխանակել՝ 50-ը 50-ի դիմաց սկզբունքով, հայտարարել է ինքնահռչակ Դոնեցկի հանրապետության առաջնորդ Դենիս Պուշիլինը։
Տեղեկատվությունը ավելի ուշ հաստատել են նաև Ռուսաստանի և Ուկրաինայի իշխանությունները։ Ուկրաինայի նախագահի աշխատակազմի ղեկավար Անդրեյ Երմակի խոսքերով՝ հայրենիք վերադարձած գերիների թվում են նաև Ելենովկայում գերեվարված զինծառայողներ, ինչպես նաև Մարիուպոլի և Ազովստալի պաշտպաններ:
