Մադրիդում Սոցիալիստական ինտերնացիոնալի (Սոցինտերն) 26-րդ կոնգրեսի աշխատանքներին մասնակցող ՀՅ Դաշնակցության պատվիրակությունն այսօր առավոտյան հանդիպում և մտքերի փոխանակություն է ունեցել Իսպանիայի վարչապետ Պեդրո Սանչեսի հետ, ով նախօրեին ընտրվել է Սոցինտերնի նախագահ:
ՀՅԴ պատվիրակությունը շնորհավորել է Իսպանիայի վարչապետին Սոցինտերնի նախագահ ընտրվելու կապակցությամբ:
ՀՅԴ հանրային կապերի գրասենյակի հաղորդագրության համաձայն՝ Դաշնակցության Բյուրոյի անդամ, Արցախի Ազգային ժողովի պատգամավոր Դավիթ Իշխանյանը Պեդրո Սանչեսին է փոխանցել «Արցախի Հանրապետության քարտեզագիրքը»:
Կուսակցության գրասենյակից հայտնում են նաև, որ Դաշնակցության Բյուրոյի նախկին անդամ, ՀՅԴ Հայ դատի Կենտրոնական խորհրդի անդամ Մարիո Նալբանդյանը վերընտրվել է Սոցինտերնի փոխնախագահի պաշտոնում:
Դաշնակցության պատվիրակությունը Սոցինտերնի կոնգրեսի շրջանակում հանդիպումներ և քննարկումներ է ունենում տարբեր երկրների սոցիալիստական և սոցիալ-դեմոկրատական կուսակցությունների ներկայացուցիչների ու պետական պաշտոնյաների հետ:
