Շաբաթ ցերեկը 3-բալլանոց երկրաշարժ է տեղի ունեցել Հայաստան - Թուրքիա սահմանային գոտում:
Հայաստանի արտակարգ իրավիճակների նախարարության հաղորդագրության համաձայն՝ Սեյսմիկ պաշտպանության տարածքային ծառայության սեյսմոլոգիական ցանցը 2.5 մագնիտուդով երկրաշարժը գրանցել է տեղական ժամանակով ժամը 14:39 (Գրինվիչի ժամանակով՝ ժամը 10:39), հյուսիսային լայնության 40.06 աստիճան և արևելյան երկայնության 44.14 աստիճան աշխարհագրական կոորդինատներով` Արմավիր քաղաքից 14 կմ հարավ-արևելք, օջախի 10 կմ խորությամբ:
Երկրաշարժը զգացվել է Արմավիրի մարզի Վարդանաշեն, Մարգարա և Նալբանդյան գյուղերում` 2-3 բալլ ուժգնությամբ։
