Հարավային Կորեայի նախագահ Յուն Սոկ Յոլն ասել է, թե Հյուսիսային Կորեան, ամենայն հավանականությամբ, արդեն պատրաստ է իրականացնել միջուկային թվով 7-րդ փորձարկումը:
Այսօր ելույթ ունենալով խորհրդարանում՝ Ազգային ժողովում, նախագահը հավաստիացրել է, որ Հարավային Կորեան ամեն ինչ կանի պաշտպանությունը հզորացնելու համար:
«Հյուսիսային Կորեան ոչ միան բացահայտ սպառնում է կանխարգելիչ միջուկային հարվածով, այլև արդեն պատրաստ է 7-րդ փորձարկման»,- ասել է նախագահը:
Նրա խոսքով՝ Սեուլը պատրաստ է Փհենյանին քաղաքական և տնտեսական աջակցություն տրամադրել, պայմանով, որ Հյուսիսային Կորեան հավատարիմ մնա Կորեական թեկակղզու ապամիջուկայնացմանը:
