Ռուսաստանի Բելգորոդ մարզում նավթի բազա է հրդեհվել։ Նահանգապետ Վյաչեսլավ Գլադկովն ասել է, որ հրդեհը բռնկվել է Ուկրաինայի զինված ուժերի հարվածների հետևանքով։ Տելեգրամի իր էջում նա գրել է, որ արկերից մեկն ընկել է նավթաբազայի վրա, ինքը գտնվում է միջադեպի վայրում, արտակարգ իրավիճակների ծառայությունը արդեն պայքարում է հրդեհի դեմ, տարածվելու վտանգներ չկան։
Նավթաբազան գտնվում է Ռազումնոյե ավանի մոտ, որը 11 կիլոմետր է հեռու Բելգորոդ շրջկենտրոնից։
