Մեծ Բրիտանիայի վարչապետ Լիզ Թրասը պաշտոնանկ է արել ֆինանսների նախարար Քվազի Կվարթենգին, որը հասցրել է պաշտոնավարել ընդամենը վեց շաբաթ։
Հրաժարականի պատճառը Կվարթենգի ֆինանսական քաղաքականությունն էր՝ ուղղված կորպորատիվ շահույթի հարկերի կտրուկ նվազեցմանը։ Աղմկահարույց այդ գաղափարին, սակայն, վարչապետ Թրասն ի սկզբանե հավանություն էր տվել։ Կվարթենգը Լիզ Թրասի ամենամերձավոր թիմակիցներից է և վերջինիս նախընտրական խոստումների համահեղինակը:
Քվազի Կվարթենգի բարեփոխումները կոշտ արձագանք հարուցեցին բրիտանական ֆինանսա-բանկային ոլորտի ներկայացուցիչների կողմից, ինչը նաև հանգեցրել էր ֆունտ սթերլինգի արժեքի անկմանը։
