Մատչելիության հղումներ

ԱԽ քարտուղարը հանդիպել է ՆԱՏՕ-ի անդամ պետությունների ներկայացուցիչների տեղակալների կոմիտեի հետ


Հայաստանի անվտանգության խորհրդի քարտուղարը ՆԱՏՕ-ի բրյուսելյան կենտրոնակայանում հանդիպել է անդամ պետությունների մշտական ներկայացուցիչների տեղակալների կոմիտեի (DPRC) հետ:

Արմեն Գրիգորյանը ներկայացրել է սեպտեմբերի 13-ին ադրբեջանական զինված ուժերի լայնածավալ ագրեսիան և դրա հետևանքով Հայաստանի սուվերեն տարածքի օկուպացիան՝ շեշտելով, որ միջազգային հանրությունը պետք է շարունակի պահանջել Ադրբեջանից անհապաղ դուրս բերել զորքերը ՀՀ ինքնիշխան տարածքից:

Արմեն Գրիգորյանը ֆեյսբուքյան գրառմամն հայտնում է, որ այդ հանդիպմանը ներկայացրել է նաև ադրբեջանական զինված ուժերի իրականացրած պատերազմական հանցագործությունները, որոնց մի մասի վերաբերյալ, նրա խոսքով, ներկաները տեղեկացված են եղել:

Նրանք խոսել են նաև Հայաստան-ՆԱՏՕ համագործակցության, ՀՀ պաշտպանական համակարգի ժողովրդավարական կառավարման, Հայաստանի ժողովրդավարացման արտաքին սպառնալիքների մասին:

Անվտանգության խորհրդի քարտուղարը անցած շաբաթ մի շարք հանդիպումներ է ունեցել Վաշինգտոնում, այդ թվում՝ Սպիտակ տանը Ադրբեջանի նախագահի օգնականի հետ:

XS
SM
MD
LG