Ամերիկայի Միացյալ Նահանգների նախագահ Ջո Բայդենը վավերացրել է կառավարության ֆինանսավորումը շարունակելու մասին օրենքը, որով ի շարս այլ հատկացումների, նախատեսվում է Ուկրաինային տրամադրել 12 միլիարդ 300 միլիոն դոլարի օգնություն:
Այս գումարն ուղղվելու է Ուկրաինայի ռազմական ծախսերը հոգալու և կառավարության գործունեությունն ապահովելու համար:
Ավելի վաղ օրինագիծը ստացել է Կոնգրեսի հավանությունը: Ներկայացուցիչների պալատում օրենսդիր Ռոզա Դե Լաուրոն ասել է, որ Միացյալ Նահանգները սատարում է Կիևին:
«Ուկրաինան ռուսական ագրեսիայի դեմ պայքարում կռիվ է տանում իր կյանքի, իր դեմոկրատիայի և աշխարհի դեմոկրատիայի համար»,- ասել է կոնգրեսականը:
