Ռուսաստանի խորհրդարանի վերին պալատի՝ Դաշնության խորհրդի միջազգային կոմիտեի ղեկավար Գրիգորի Կարասինը հայտարարել է, թե Հայաստանի և Ադրբեջանի սահմանին հրադադարի համաձայնություն է ձեռք բերվել։ Ռուս պաշտոնյան ասել է, թե դա հնարավոր է դարձել Ռուսաստանի ջանքերի շնորհիվ, այդ թվում՝ ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի զրույցից և ՌԴ արտգործնախարարության աշխատանքներից հետո։
Ռուսաստանցի պաշտոնյայի խոսքով՝ իրավիճակը համեմատաբար հանգիստ, խաղաղ հունի մեջ է, «առջևում կլինի մեծ աշխատանք», քանի որ Հայաստանը դիմել է ՀԱՊԿ-ին, փոխացում է РИА "Новости" լրատվական գործակալությունը։ Թե ինչ աշխատանքների մասին է խոսքը, ռուսաստանցի սենատորը չի մանրամասնել։
Պաշտոնական Երևանն ու Բաքուն առայժմ չեն հաստատել հրադադարի մասին տեղեկությունները։ Հայաստանի վարչապետը խորհրդարանում հայտարարեց, թե մարտական գործողությունների ինտենսիվությունը նվազել է, «բայց մեկ-երկու ուղղություներով Ադրբեջանի հարձակումները շարունակվում են»։
.
