Ռուսաստանը Ֆինլանդիայի սահմանին, «Հյուսիսային հոսք-1» գազատարի մոտ, մեծ ծավալի գազ այրում է օդում։ Նորվեգական Rystad էներգետիկ խորհրդատվական ընկերության մասնագետները դա համարում են էկոլոգիական աղետ, նշելով, որ օդում այրվող գազի ծավալը հավասարազոր է Եվրամիության ամենօրյա գազի կարիքների կես տոկոսին։
Ռուսաստանը «Հյուսիսային հոսք-1» գազատարի հնարավորության միայն 20 տոկոսն է օգտագործում դեպի Գերմանիա գազ մղելու համար։ Իսկ եկող շաբաթվա ընթացքում պլանավորված է երեք օրով ընդհանրապես դադարեցնել գազամատակարարումը՝ տուրբինների տեխնիկական սպասարկման պատճառաբանությամբ։
Գազի և նավթի արդյունահանման պրոցեսում օդում այրումները ընդունված պրակտիկա է համարվում, բայց ոչ այս քանակի, ինչ Ռուսաստանը այում է Եվրոպայի սահմանին։
