Ռուսաստանը ՄԱԿ-ի համաժողովում արգելափակեց միջուկային զենքի չտարածման պայմանագիրը կատարելու մասին ամփոփիչ փաստաթղթի ընդունումը, քանի որ այնտեղ խոսք կար Ուկրաինայի իրավիճակի մասին։
Փաստաթուղթը լուրջ մտահոգություն էր հայտնում Ուկրաինայի էլեկտրակայանների, ներառյալ պատերազմի սկզբում ռուսական ուժերի կողմից գրաված Զապորոժիեի ԱԷԿ-ի շուրջ ռազմական գործողությունների կապակցությամբ։
Ռուսաստանի ԱԳՆ ներկայացուցիչ Իգոր Վիշնևեցկին հայտարարել է, որ փաստաթուղթն ընդունելու համար կոնսենսուս չկա։
«Մեր պատվիրակությունը պատրաստ է կառուցողական աշխատանքի, բայց եթե մի շարք հարցերի շուրջ համաձայնություն չկա, ուրեմն կոնսենսուսը բացակայում է, և այդ փաստաթուղթը չի կարող ընդունվել»,- ասել է նա։
ՄԱԿ-ի 4-օրյա համաժողովը ուրբաթ երեկոյան ավարտվեց առանց եզրափակիչ փաստաթղթի ընդունման։
