Այսօր Սոչիում տեղի ունեցած հանդիպման ընթացքում Ռուսաստանի և Ղազախստանի նախագահներ Վլադիմիր Պուտինը և Կասիմ-Ժոմարտ Տոկաևը հայտնել են, որ երկու երկրները ՀԱՊԿ համագործակցության շրջանակներում ապագայում կանցկացնեն համատեղ զորավարժություններ:
«Մենք հոկտեմբերին տոնելու ենք դիվանագիտական հարաբերությունների հաստատման 30-ամյակը: Նախատեսում ենք տարբեր ծրագրեր: Մեր նախարարությունները, դեպարտամենտները, միջկառավարական հանձնաժողովները, արտաքին գործերի և պաշտպանության նախարարությունները շատ ակտիվ աշխատում են տարբեր միջոցառումներ նախապատրաստելու, այդ թվում ՀԱՊԿ շրջանակներում համատեղ զորավարժություններ անցկացնելու համար»,- ասել է Պուտինը:
«Ընդհանուր առմամբ մենք միանգամայն բավարարված ենք մեր համագործակցության զարգացման ընթացքով, այդ առումով ես ձեզ հետ համաձայն եմ: Մենք ունենք ընդհանուր սահման, ամենաերկարն աշխարհում, ի դեպ, այն ամբողջությամբ սահմանազատված է: Ուստի, չկա և ոչ մի հանգամանք, որը թույլ կտար ինչ-ինչ բացասական կանխատեսում անել մեր ապագա համագործակցության վերաբերյալ»,- ասել է Տոկաևը:
Հունիսին Ղազախստանում զինվորականների մակարդակով տեղի են ունեցել բանակցություններ «Որոնում-2022», «Էշելոն-2022» և «Փոխգործություն-2022» կոդային անուններով զորավարժություններ անցկացնելու հարցերի շուրջ:
