Meta ընկերությանը պատկանող Facebook-ը հայտարարել է, որ չի կրճատի նախկին նախագահ Դոնալդ Թրամփի օգտահաշվի արգելքի ժամկետը, նույնիսկ եթե նա առաջադրվի նախագահության թեկնածու 2024 թվականի ընտրություններում, հայտնել է Politico պարբերականը:
Facebook-ը 2021 թվականի հունվարի 6-ին ԱՄՆ-ի Կոնգրեսի շենքի վրա Թրամփի աջակիցների աննախադեպ լայնածավալ հարձակումից հետո է արգելափակել նրա օգտահաշիվը:
«Մենք հավատարիմ կմնանք արգելքի ժամկետի վերաբերյալ մեր սահմանած ժամանակացույցին»,- ասել է Facebook-ի միջազգային հարցերով և հանրության հետ կապերի գծով փոխնախագահ Նիք Քլեգը:
Նախագայհության վերջին ժամանակաշրջանում Դոնալդ Թրամփը զրկվել է Twitter, Facebook և Instagram ցանցերում գրառումներ անելու իրավունքից:
Սոցցանցերն այդ արգելքները սահմանել էին այն բանից հետո, երբ Թրամփի աջակիցները փորձել են Կոնգրեսում կանխել 2020 թվականի նոյեմբերի ընտրությունների արդյունքների հաստատումը և Ջո Բայդենի հաղթանակի վավերացումը:
