Միացյալ Նահանգների պետքարտուղար Էնթոնի Բլինքենը կոչ է անելու «Մեծ քսանյակի» (G20) երկրների արտգործնախարարներին՝ ճնշում գործադրել Ռուսաստանի նկատմամբ, որպեսզի Կրեմլը ընդառաջ գնա ՄԱԿ-ի նախաձեռնությանը՝ վերաբացել դեպի Ուկրաինա գնացող ծովային ուղիները՝ ուկրաինական ցորենը միջազգային շուկա վերադարձնելու համար։
Տնտեսական ու բիզնես հարցերով ԱՄՆ պետքարտուղարի օգնական Ռամին Տոլուին լրագրողներին նաև հայտնել է, որ Բլինքենը կրկնելու է Չինաստանին հասցեագրված նախազգուշացումը՝ ձեռնպահ մնալ Մոսկվային աջակցելուց։
ԱՄՆ պետքարտուղարն առաջիկա ժամերին մեկնելու է Ինդոնեզիա, ուր հուլիսի 8-ին Բալի կղզում կայանալու է «Մեծ քսանյակի» երկրների արտգործնախարարների հանդիպումը։
Նախատեսվում է, որ Էնթոնի Բլինքենը բանակցություններ կվարի Չինաստանի իր գործընկերոջ՝ Վան Իի հետ։ Նրանց նախորդ հանդիպումը ամիսներ առաջ էր՝ անցած տարվա հոկտեմբերին։
Բլինքեն-Լավրով հանդիպում նախատեսված չէ։ ԱՄՆ պետքարտուղարը նաև կենտրոնանալու է էներգետիկ անվտանգության հարցերի շուրջ։
