Ադրբեջանի նախագահ Իլհամ Ալիևն այսօր իր նստավայրում ընդունել է ԱՄՆ-ի պետական քարտուղարի Եվրոպայի և Եվրասիայի հարցերով օգնական Քերըըն Դոնֆրիդին:
Հանդիպման ընթացքում քննարկվել են անցած երեք տասնամյակում երկու երկրների համագործակցությունը տնտեսության, էներգետիկայի, անվտանգության և այլ բնագավառներում:
Դոնֆրիդը շնորհակալություն է հայտնել Ադրբեջանին Ուկրաինային ցուցաբերած աջակցության, այդ թվում՝ մարդասիրական օգնություն և շտապօգնության մեքենաների համար վառելիք ուղարկելու կապակցությամբ:
Պետքարտուղարն ասել է, թե Վաշինգտոնը ողջունում է Եվրամիության աջակցությամբ հայ-ադրբեջանական հարաբերությունների կարգավորման գործընթացը:
Ըստ «Ինտերֆաքս-Ազերբայջան» լրատվական գործակալության, Ալիևն ասել է, թե ցանկանում է «Հարավային Կովկասը տեսնել որպես համագործակցության տարածաշրջան»:
ԱՄՆ-ի պետական քարտուղարի Եվրոպայի և Եվրասիայի հարցերով օգնական Քերըն Դոնֆրիդն առաջիկա օրերին կայցելի նաև Վրաստան և Հայաստան:
