Ռուսաստանի Դաշնության արտաքին գերատեսչության ղեկավար Սերգեյ Լավրովը հաջորդ շաբաթվա ընթացքում երկօրյա այցով կմեկնի Բաքու: Այդ մասին ճեպազրույցում հայտնել է ՌԴ արտգործնախարարության մամլո խոսնակը:
«Հունիսի 23-24-ը արտաքին գործերի նախարար Սերգեյ Լավրովն աշխատանքային այց է կատարելու Ադրբեջան: Այնտեղ ծրագրված են բանակցություններ արտգործնախարար Ջեյհուն Բայրամովի հետ, ենթադրվում է, որ տեղի կունենա հանդիպում նախագահ Իլհամ Ալիևի հետ», - ասել է Մարիա Զախարովան:
Նախորդ շաբաթ Ռուսաստանի արտգործնախարարը պաշտոնական այց կատարեց Երևան, որտեղ նաև հանդիպեցին ՀԱՊԿ անդամ երկրների արտաքին քաղաքական գերատեսչությունների ղեկավարները:
