Ադրբեջանի նախագահ Իլհամ Ալիևը թուրք-ադրբեջանական միասնությունն անվանել է կարևոր գործոն տարածաշրջանի և աշխարհի համար, անվտանգության և կայունության գործոն։
«Սա շատ կարևոր գործոն է ինչպես տարածաշրջանի, այնպես էլ աշխարհի համար։ Թուրք-ադրբեջանական միասնությունը անվտանգության, վստահության, կայունության գործոն է», - շաբաթ օրը ելույթ ունենալով Բաքվում TEKNOFEST փառատոնում՝ հայտարարել է Իլհամ Ալիևը։
Միջոցառմանը ներկա էր նաև Թուրքիայի նախագահ Ռեջեփ Էրդողանը։
Ադրբեջանի առաջնորդն ընդգծել է Թուրքիայի աջակցությունը Ղարաբաղյան երկրորդ պատերազմի ժամանակ։
«Թուրքիան մեր կողքին էր», - հայտարարել է Ալիևը՝ իր ելույթում առանձնացնելով նաև թուրքական «Բայրաքթար» անօդաչու թռչող սարքերի վճռորոշ դերակատարումը պատերազմի ընթացքում։ «Այժմ ամբողջ աշխարհում չկա մեկը, որը չիմանա հայտնի «Բայրաքթար»-ների դերակատարության մասին Ղարաբաղյան երկրորդ պատերազմում», - ասել է Ադրբեջանի նախագահը:
