Ռուսաստանի նախագահ Վլադիմիր Պուտինը հրամանագիր է ստորագրել, որը Ուկրաինայի Խերսոնի և Զապորոժիեի մարզերի բնակիչներին իրավունք է տալիս պարզեցված կարգով ՌԴ քաղաքացիություն ստանալ։ Նրանք կկարողանան ռուսական անձնագիր ձեռք բերել նույն ընթացակարգով, ինչ Դոնբասի բնակիչները։
Փետրվարի 24-ին Ուկրաինա Ռուսաստանի ներխուժումից հետո Խերսոնի և Զապորոժիեի մարզերը մասամբ անցել են ռուսական զորքերի վերահսկողության տակ։ Խոսքը վերաբերում է Խերսոն մարզկենտրոնին և մարզի տարածքի մեծ մասին ու Զապորոժիեի մարզի մոտ կեսին: Զապորոժիե քաղաքը գտնվում է Ուկրաինայի վերահսկողության տակ։
Ուկրաինայի վրա հարձակումից ի վեր Պուտինը և Ռուսաստանի իշխանության ներկայացուցիչները հայտարարել են, որ Մոսկվայի նպատակը ուկրաինական տարածքը գրավելը չէ։
