Հայաստանի և Ռուսաստանի արտաքին քաղաքական գերատեսչությունների ղեկավարները քննարկել են Հայաստանի և Ադրբեջանի միջև սահմանազատման ու սահմանային անվտանգության հարցերով հանձնաժողովի ձևավորմանն առնչվող հարցեր:
Արարատ Միրզոյանն ու Սերգեյ Լավրովը հեռախոսազրույցի ընթացքում անդրադարձել են տարածաշրջանում տնտեսական կապերի և տրանսպորտային կոմունիկացիաների ապաշրջափակմանը, եռակողմ հայտարարությունների դրույթների իրականացման ընթացքին, հայտնում է ՀՀ ԱԳՆ-ն:
Նախարար Միրզոյանը վերահաստատել է Երևանի դիրքորոշումը՝ տարածաշրջանային խաղաղության ու կայունության հաստատման և Հայաստանի ու Ադրբեջանի միջև կարգավորման գործընթացի վերաբերյալ:
Բրյուսելում երեկ կայացել է Հայաստանի ու Ադրբեջանի ղեկավարների հանդիպումը: Որոշվել է, որ առաջիկա օրերին տեղի կունենա սահմանագծման ու սահմանի անվտանգության հարցերով համատեղ հանձնաժողովի առաջին նիստը:
