Ֆինլանդիայի խորհրդարանն այսօր հավանություն է տվել ՆԱՏՕ-ին միանալու առաջարկին: Շվեդիայի խորհրդարանը երեկ է նման որոշում կայացրել: Վաղը երկու երկրները ՆԱՏՕ-ին անդամակցելու պաշտոնական հայտեր կներկայացնեն:
«Մենք վաղը միասին կներկայացնենք դիմումները»,- հայտնել է Շվեդիայի վարչապետ Մագդալենա Անդերսոնն, ով այսօր Ստոկհոլմում ընդունել է Ֆինլանդիայի նախագահ Սաուլի Նիինիստոյին:
Ավանդաբար չեզոք քաղաքականություն վարող այդ երկու երկրներում ՆԱՏՕ-ին անդամակցելու խնդիրը հրատապ է դարձել Ուկրաինայի վրա Ռուսաստանի հարձակման կապակցությամբ:
