Հայաստանի բարձրագույն ղեկավարությունը այսօր առավոտյան Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի հիշատակին:
Իրենց հարգանքի տուրքը մատուցեցին երկրի վարչապետը, նախագահը, ԱԺ նախագահը, նախարարներ և այլք:
Նրանք ծաղիկներ խոնարհեցին Հայոց ցեղասպանության զոհերի հիշատակը հավերժացնող անմար կրակի մոտ:
Այնուհետև վարչապետ Նիկոլ Փաշինյանն այցելել է Հայոց ցեղասպանության թանգարան-ինստիտուտ՝ ծանոթացել «Հայկական վարժարանների հետքերով. ուսյալ ազգի վկայագրերը» խորագրով ցուցադրությանը ներկայացված նյութերին:
