Հայաստանում անցած մեկ օրում կորոնավիրուսի դեպքերի թիվն աճել է 1417-ով՝ հասնելով 413 հազար 295-ի, գրանցվել է հիվանդությունից մահվան ևս 25 դեպք, հաղորդում է Առողջապահության նախարարության Հիվանդությունների վերահսկման և կանխարգելման ազգային կենտրոնը:
Այսօր ժամը 11-ի սահմաններում կենտրոնի պաշտոնական կայքէջում հրապարակված տվյալների համաձայն՝ հիվանդությունից բուժվածների թիվն ավելացել է 2 հազար 825-ով և հասել 386 հազար 193-ի:
Ըստ նույն աղբյուրի, իրականացվել է 5 հազար 659 թեստավորում, ընդհանուր թիվը հասավ 2 միլիոն 851 հազար 836-ի։
Կորոնավիրուսային հիվանդությունից մահացածների ընդհանուր թիվը հասավ 8 հազար 278-ի։
Այսպիսով, COVID-19-ից տվյալ պահին Հայաստանում բուժվում է 17 հազար 239 մարդ։
Արցախում՝ 154 նոր դեպք
Արցախի առողջապահության նախարարության հաղորդագրության համաձայն՝ անցած մեկ օրում իրականացվել է 407 թեստավորում, հաստատվել է կորոնավիրուսի 154 նոր դեպք, այդ թվում՝ երեխաների մոտ։ Գրանցվել է հիվանդությունից մահվան 2 դեպք։
Տվյալ պահին ստացիոնար բուժվում է 60 վարակակիր։
2022 թվականին կատարվել է 7 հազար 336 թեստավորում, Արցախում հաստատվել է կորոնավիրուսային հիվանդության ընդհանուր 2 հազար 383 դեպք: Ընդհանուր առմամբ, կորոնավիրուսի հետևանքով մահվան 26 դեպք է արձանագրվել:
