Ուկրաինայի մայրաքաղաք Կիևի քաղաքապետ, պրոֆեսիոնալ բռնցքամարտի ծանրքաշային անվանակարգում աշխարհի նախկին չեմպիոն Վիտալի Կլիչկոյի կրտսեր եղբայրը՝ Վլադիմիր Կլիչկոն, ով Օլիմպիական չեմպիոն է և նույնպես նախկինում ծանրքաշային աշխարհի չեմպիոն է եղել, միացել է Կիևի տարածքային պաշտպանության բրիգադին:
Այդ մասին ավագ եղբայրը հայտնել է իր Ինստագրամի էջում: Կրտսեր եղբոր քայլը պայմանավորվում է Ուկրաինայի վրա ռուսների հնարավոր հարձակման հանգամանքով:
«Այստեղ եմ եկել, որովհետև տեսնում եմ, որ երկիրս պայքարում է, որովհետև չեմ կարող անտարբեր մնալ, ոչինչ չանել, այդպես չի լինի, դրա համար էլ այստեղ եմ, զորագրվում եմ երկրի և քաղաքի տարածքային պաշտպանության բրիգադին»,- ասել է Վլադիմիր Կլիչկոն:
Նա գրանցվել է Կիևի պահեստային զինծառայողների հավաքագրման թիվ կայանում: Նախկին մարզիկը հույս է հայտնել, որ Ուկրաինայի դիվանագետները կկարողանան կանխել ագրեսիան, բայց և նախազգուշական ուղերձ է հասցեագրել հավանական թշնամուն:
«Եվ մինչև մեր վրա հարձակվելը, ուզում եմ, որ թշնամին իմանա, որ կտապալվի: Մենք հզոր ենք, հարձակվողը շատ ծանր գին կվճարի»,- ասել է կրտսեր Կլիչկոն:
