Flyone Armenia ավիաընկերությունն այսօրվանից սկսում է ոչ կանոնավոր կոմերցիոն չվերթները Երևան-Ստամբուլ-Երևան երթուղով:
Ըստ ընկերության, Երևան-Ստամբուլ չվերթները կիրականցվեն «Զվարթնոց» օդանավակայանից դեպի «Ստամբուլ» միջազգային օդանավակայան։ Փետրվար - մարտ ամիսներին թռիչքները կլինեն շաբաթական 2 անգամ՝ երկուշաբթի և ուրբաթ օրերին, ապրիլից՝ շաբաթական 3 չվերթ հաճախականությամբ՝ երկուշաբթի, չորեքշաբթի և ուրբաթ օրերին։
Հայ-թուրքական հարաբերությունների կարգավորման համար բանագնացների նշանակմանը զուգահեռ Երևան-Ստամբուլ ուղիղ թռիչքների վերսկսման մասին դեկտեմբերի կեսերին հայտարարել էր Թուրքիայի արտգործնախարար Մևլյութ Չավուշօղլուն: Flyone Armenia-ն և Pegasus-ը Երևան-Ստամբուլ-Երևան երթուղով չվերթների իրականացման թույլտվություններ են ստացել։
