Վրաստանի նախագահ Սալոմե Զուրաբիշվիլին այսօր լրագրողների հետ զրույցում ասել է, որ եթե ինքը ներում շնորհի նախկին նախագահ Միխեիլ Սաակաշվիլիին, ապա դա կդառնա հանրային բևեռացման ավելացման պատճառ:
«Դուք գիտեք իմ քաղաքական անցյալը, բայց դա չէ հիմա կարևոր: Ես խորապես համոզված եմ, որ այդ քայլը {Սաակաշվիլիին ներում շնորհելը} կնպաստի բևեռացման աճին, այլ ոչ թե ապաբևեռացմանը: Չեմ կարծում, թե որևէ մեկը կապացուցի հակառակը: Սաակաշվիլիի վերադարձը Վրաստան ինքնին դարձել էր բևեռացման սրման պատճառ», - ասել է Զուրաբիշվիլին:
