Իսրայելի կառավարությանը կից խորհրդատվական մարմինը հայտարարել է կորոնավիրուսի դեմ չորրորդ դեղաչափը ներարկելու նպատակահարմարության մասին:
Իսրայելի առողջապահության նախարարության փոխանցմամբ, չորրորդ դեղաչափը կարող են ստանալ այն չափահասներն, ովքեր առնվազն 5 ամիս առաջ ստացել են երրորդ խթանիչ ներարկումը կամ վարակվել և ապաքինվել են:
Այսօրվա դրությամբ չորրորդ դեղաչափը ներարկում են 60-ը լրացած կամ տարատեսակ քրոնիկ հիվանդություններ ունեցող և ռիսկային խմբին դասվող բնակիչներին:
Իսրայելցի մասնագետների փոխանցմամբ, կորոնավիրուսի դեմ պաշտպանությունը չորրորդ դեղաչափը ստացող մարդու երեք դեղաչափ ստացածի համեմատությամբ երկու անգամ ավելի հզոր է և ծանր հիվանդանալու հավանականությունը երեքից հինգ անգամ ավելի քիչ է:
