Բլինքենը Բեռլինում հանդիպում է եվրոպացի դաշնակիցներին

ԱՄՆ պետքարտուղար Էնթոնի Բլինքենն այսօր ժամանել է Բեռլին` գործընկերների հետ շարունակելու քննարկումները Ուկրաինայի շուրջ ստեղծված լարվածության շուրջ։

Նախապես հայտարարվել էր, որ հանդիպմանը մասնակցելու են Գերմանիայի, Ֆրանսիայի, Բրիտանիայի արտգործնախարարները։

Երեկ Բլինքենը Կիևում հանդիպել էր Ուկրաինայի նախագահ Վլադիմիր Զելենսկուն, իսկ ուրբաթ օրը Ժնևում նախատեսված է նրա հանդիպումը Ռուսաստանի արտգործնախարար Սերգեյ Լավրովի հետ։