ԱՄՆ-ը հիմքեր չունի ՀԱՊԿ կոնտինգենտին խորհուրդ տալու․ Վաշինգտոնում ՌԴ դեսպանատուն

Միացյալ Նահանգները հիմքեր չունի ՀԱՊԿ կոնտինգենտին խորհուրդ տալու, թե ինչպես վերականգնել կարգը և հարգել մարդու իրավունքները Ղազախստանում, ասված է ԱՄՆ-ում Ռուսաստանի դեսպանության՝ երեկ Թվիթերում հրապարակած հաղորդագրությունում։

Կիրակի օրը հայտարարվեց, որ ՀԱՊԿ խաղաղապահները կմնան Ղազախստանում «մինչև երկրում իրավիճակի ամբողջական կայունացում», և որ երկրի նախագահի խնդրանքով Ղազախստան ուղարկված Հավաքական անվտանգության պայմանագրի կազմակերպության զինծառայողները վերահսկողության տակ են վերցրել Ալմաթի քաղաքի և դրա շրջակայքում գտնվող ռազմավարական օբյեկտները։

ՀԱՊԿ գլխավոր քարտուղարի փոխանցմամբ՝ Ղազախստանում մոտ 2,5 հազար խաղաղապահ է տեղակայվել։

Արևմուտքը և մասնավորապես Միացյալ Նահանգները քանիցս հայտարարել են, որ հարցեր ունեն Ղազախստանում ՀԱՊԿ խաղաղապահների տեղակայման հետ կապված։

ԿԱՐԴԱՑԵՔ ՆԱԵՎ

«Երբ ռուսները հայտնվում են ձեր տանը, երբեմն շատ դժվար է նրանց ստիպել հեռանալ». Բլինքեն

ԿԱՐԴԱՑԵՔ ՆԱԵՎ

Ղազախստանի իշխանությունները պնդում են՝ երկրում տեղի ունեցածը «հիբրիդային ահաբեկչության» փորձ է

ԿԱՐԴԱՑԵՔ ՆԱԵՎ

Ղազախստանում հայտարարում են իրավիճակի կայունացման մասին. ՀԱՊԿ տեսակոնֆերանս է պատրաստվում վաղը (թարմացված լրահոս)