Գիշերը գրոհի են ենթարկվել վարչական շենքերը և Ալմաթիի ոստիկանությունը։ Տասնյակ հարձակվողներ վերացվել են, և նրանց ինքնությունը պարզվում է, հինգշաբթի օրը հայտնել է քաղաքի ոստիկանության պաշտոնական ներկայացուցիչ Սալթանաթ Ազիրբեքը։
Նա պարզաբանել է, որ հակաահաբեկչական գործողությունը շարունակվում է այն տարածքում, որտեղ գտնվում են վարչական շենքեր։
«Այդ կապակցությամբ մենք կոչ ենք անում քաղաքի բնակիչներին և հյուրերին՝ զերծ մնալ տներից դուրս գալուց՝ հանուն իրենց իսկ անվտանգության», - հավելել է նա։
Ավելի վաղ հաղորդվել էր, որ Ալմաթիի իրավապահ մարմինները քաղաքում հակաահաբեկչական հատուկ գործողություն են սկսել։
