Երեկ Թուրքիայում մոտ 5 հազար ցուցարարներ փողոցներ էին դուրս եկել՝ երկրում շեշտակի գնաճի և թուրքական լիրայի անկման ֆոնին: Ցուցարարների հիմնական պահանջը նվազագույն աշխատավարձի բարձրացումն էր։
Տարեսկզբից թուրքական լիրան դոլարի նկատմամբ կորցրել է արժեքի 43 տոկոսը։ Նոյեմբերին հրապարակված պաշտոնական տվյալների համաձայն՝ Թուրքիայում գնաճը կազմել է ավելի քան 21 տոկոս, սակայն ընդդիմությունը կարծում է, որ այդ թվերը թերագնահատված են, իսկ տնտեսության իրական վիճակն է՛լ ավելի դրամատիկ է։
