Թուրքիայի Պաշտպանության նախարարությունը դրական է գնահատում նախօրեին Վաշինգտոնում՝ Պենտագոնի ներկայացուցիչների հետ կայացած բանակցությունները։ Այս մասին նշված է գերատեսչության այսօր տարածած հաղորդագրության մեջ։
«ԱՄՆ-ում կայացել է Թուրքիայի և Միացյալ Նահանգների ռազմական գերատեսչությունների՝ պաշտպանական հարցերով բարձր մակարդակի խմբերի նիստը։ Այն ընթացել է դրական և կառուցողական մթնոլորտում։ Քննարկվել են երկկողմ և տարածաշրջանային անվտանգությանը վերաբերող մի շարք հարցեր», - տեղեկացնում է Թուրքիայի Ազգային պաշտպանության նախարարությունը։
Նույն աղբյուրի փոխանցմամբ՝ հաջորդ նմանատիպ նիստը նախատեսվում է անցկացնել Թուրքիայի տարածքում։
