Կրեմլի մամուլի ծառայության այսօր տարածած հաղորդագրության համաձայն, Թուրքիայի և Ռուսաստանի նախագահները, վաղը Սոչիում կայանալիք բանակցությունների ընթացքում, այլ հարցերի թվում քննարկելու են նաև Անդրկովկասում ստեղծված իրավիճակը։
«Կողմերի միջև հանգամանալի մտքերի փոխանակում տեղի կունենա միջազգային հրատապ հարցերի ինչպես նաև Սիրիայում, Լիբիայում, Աֆղանստանում և Անդրկովկասում տիրող իրավիճակի շուրջ», -հաղորդում է Ռուսաստանի նախագահի մամուլի ծառայությունը։
Նույն աղբյուրի փոխանցմամբ, բանակցությունների ընթացքում Վլադիմիր Պուտինը և Ռեջեփ Թայիփ Էրդողանը պատրաստվում են քննարկել՝ «քաղաքական և առևտրատնտեսական ոլորտներում ռուս-թուրքական գործակցության տարատեսակ ասպեկտները»։
