Աֆղանստանում աղջիկներին հնարավորիս շուտ կթույլատրեն վերադառնալ դպրոց։ Այդ մասին այսօր հայտարարել է «Թալիբան» շարժումը, որը ներկայացրել է նաև կառավարության ամբողջ կազմը՝ բաղկացած բացառապես տղամարդկանցից։
Ավելի վաղ կրթության նախարարը հրահանգել էր տղամարդ ուսուցիչներին և աշակերտներին անցած շաբաթավերջին վերադառնալ միջնակարգ դպրոցներ՝ չնշելով կանանց և աղջիկների մասին։
«Թալիբան» շարժման խոսնակ Զաբիհուլլա Մուջահիդի խոսքում անդրադարձ չի եղել անցած շաբաթ փակված կանանց հարցերով նախարարությանը։
«Թալիբան»-ի կառավարությունում առաջին նշանակումների մասին հայտարարվեց այս ամսվա սկզբին։ Բոլոր առանցքային պաշտոններում նշանակվածները բացառապես թալիբներին հավատարիմ շարքերից են։
Նկատենք, որ նախկինում ներառական վարչակազմ ստեղծելու խոստումներ էին հնչել։
