«Ազատ Եվրոպա/Ազատություն» ռադիոկայանի տարածաշրջանային լրագրության կրթաթոշակ Արևելյան գործընկերության համար

Հունվար, 2022 – Օգոստոս, 2022

Դիմելու վերջնաժամկետը՝ կիրակի, 10-ը հոկտեմբերի, 2021թ․

«Ազատ Եվրոպա/Ազատություն» ռադիոկայանը դիմումներ է ընդունում 2022 թվականի Արևելյան գործընկերության տարածաշրջանային լրագրության կրթաթոշակի համար:

Կրթաթոշակի նպատակն է նպաստել խոստումնալից լրագրողների մասնագիտական զարգացմանը Եվրամիության Արևելյան գործընկերության երկրներում՝ հաջակցություն մամուլի ազատության և անկախության:

Կրթաթոշակի հիմքում ընկած է հօգուտ ժողովրդավարության և մարդու իրավունքների անկախ, փաստերի վրա հիմնված լրագրությունը խթանելու՝ «Ազատության» առաքելությունը: Ծրագիրը ֆինանսավորվում է ԱՄՆ Պետքարտուղարության դրամաշնորհով:

Հայաստան

Կրթաթոշակառուն ընտրվելու է մրցակցային հիմունքներով և աշխատելու է «Ազատ Եվրոպա/Ազատություն» ռադիոկայանի Երևանի բյուրոյում: Նա ինտեգրվելու է բյուրոյի ամենօրյա աշխատանքին, աշխատելու է լրիվ աշխատանքային օրվա ռեժիմով՝ թողարկելով նյութեր բոլոր լրագրողական հարթակների համար, և մասնակցելու է խմբագրական քննարկումներին՝ «Ազատության» պրոֆեսիոնալ գործընկերների ղեկավարությամբ և օժանդակությամբ: Ծրագրի արդյունքում կրթաթոշակառուն հնարավորություն կստանա ամրապնդել իր լրագրողական հմտությունները և գիտելիքները, զարգացնել խմբագրական դատողությունը, ընդլայնել իր մասնագիտական ցանցերը և խորացնել իր երկրում ազատ մամուլի դերի ըմբռնումը:

Անգլերենին սահուն տիրապետել չի պահանջվում:

Կրթաթոշակը տրամադրվում է 8 ամիս ժամկետով՝ 2022թ. հունվարի 3-ից մինչև 2022-ի օգոստոսի 31-ը: Կրթաթոշակը ներառելու է այց «Ազատության»՝ Պրահայում գտնվող կենտրոնակայան, հավելյալ մասնագիտական զարգացման նպատակով:

Կրթաթոշակառուն ծրագրի ամբողջ ընթացքում ամսական թոշակ կստանա, նրան աշխատատեղ կհատկացվի «Ազատության» Երևանի գրասենյակում, կվճարվեն Պրահա մեկնելու նրա ճանապարհածախսը և այնտեղ մնալու հետ կապված ծախսերը: Կրթաթոշակառուին, ում հարկ կլինի տեղափոխվել Երևան՝ տեղի բյուրոյում աշխատելու, կարող է տրամադրվել կացարան:

Ինչպես դիմել

Ծրագրին դիմելու վերջնաժամկետն է՝ կիրակի, 10-ը հոկտեմբերի, 2021թ․

Ամբողջական դիմումը պետք է ներառի.

- Նամակ մտադրությունների մասին, որը պետք է ներկայացնի դիմորդի ակնկալիքները ծրագրից; նրա լրագրողական հետաքրքրությունները, արժեքները և փորձը, որոնց հիման վրա որոշում կկայացվի նրա մասնակցության վերաբերյալ; դիմորդի մասնագիտական նպատակները կրթաթոշակային ծրագրի ավարտից հետո:

- Ինքնակենսագրական՝ CV, որը պետք է ներառի աշխատանքային փորձը, կրթությունը և լեզվական ունակությունները: Պետք է ներկայացվի CV-ի անգլերեն օրինակ:

- Անցած 12 ամիսներին որևէ հարթակում հրապարակված լրագրողական աշխատանքի երկու նմուշօրինակ՝ դիմողի աշխատանքային լեզվով:

Որպես ընտրության գործընթացի մաս՝ «Ազատ Եվրոպա/Ազատություն»-ը կարող է կապ հաստատել դիմորդների հետ հարցազրույցի համար՝ անձամբ, հեռախոսով կամ Skype-ով:

Ի ԳԻՏՈՒԹՅՈՒՆ. Կրթաթոշակի ծրագիրը պետք է տեղի ունենա կորոնավիրուսին առնչվող բոլոր միջոցառումներին համապատասխան՝ ինչպես Չեխիայի Հանրապետությունում, այնպես էլ դիմողների երկրներում, հետևաբար ենթակա է փոփոխությունների:

ԼՐԱՑՎԱԾ ԴԻՄՈՒՄՆԵՐԸ ՊԵՏՔ Է ՈՒՂԱՐԿԵԼ ՍՏՈՐԵՎ ԳՏՆՎՈՂ «ԴԻՄԵԼ» ՀՂՈՒՄՈՎ ՄԻՆՉԵՎ ԿԻՐԱԿԻ, 10-Ը ՀՈԿՏԵՄԲԵՐԻ, 2021Թ., ԿԵՆՏՐՈՆԱԿԱՆ ԵՎՐՈՊԱՅԻ ԺԱՄԱՆԱԿՈՎ ԺԱՄԸ 24:00-Ը

ԹԵԿՆԱԾՈՒՆԵՐՆ ԻՐԵՆՑ ԸՆՏՐՈՒԹՅԱՆ ՄԱՍԻՆ ԿՏԵՂԵԿԱՑՎԵՆ ՄԻՆՉԵՎ 2021Թ. ՆՈՅԵՄԲԵՐԻ 15-Ը

ԴԻՄԵԼ

Անգլերեն հարցերը կարող եք հղել hokuvovaj@rferl.org հասցեով