Արցախում սեպտեմբերի 13-ին կատարվել է 117 թեստավորում, որի արդյունքում գրանցվել է կորոնավիրուսային հիվանդության 4 նոր դեպք։
Ըստ Արցախի առողջապահության նախարարության՝ կորոնավիրուսային հիվանդությամբ այս պահին ստացիոնար բուժում է ստանում 27 վարակակիր, 4 հիվանդի առողջական վիճակը գնահատվում է ծանր, իսկ թեթև ձևերը ամբուլատոր բուժում են ստանում տնային պայմաններում:
Արցախում 2021 թվականի ընթացքում իրականացվել է 12 հազար 366 քաղաքացու հետազոտություն, արձանագրվել է կորոնավիրուսային հիվանդության 1093 դեպք։
