Իրանը պատրաստ է վերսկսել միջուկային գործարքի շուրջ բանակցությունները, սակայն դրանք չպետք է անցկացվեն արևմտյան երկրների «ճնշման» ներքո, հայտարարել է նորընտիր նախագահ Էբրահիմ Ռաիսին:
Ռաիսին պետական հեռուստատեսությանը ասել է, թե Իրանը չի վարանում խոսել և բանակցել:
«Բայց ամերիկացիներն ու արևմուտքցիները ճնշումներով երկխոսություն են փնտրում: Ես կարգադրեցի, որ բանակցությունները լինեն օրակարգում, բայց ոչ այն ճնշմամբ, որը նրանք հետապնդում են», - նշել է Իրանի նախագահը:
