Վերջին տվյալներով, 44-օրյա պատերազմում հայկական կողմից զոհվել է 3773 մարդ, 243-ը համարվում է անհետ կորած․ զոհվածների նոր վիճակագրությունը վարչապետ Նիկոլ Փաշինյանն է հրապարակել այսօր խորհրդարանում՝ կառավարության ծրագիրը ներկայացնելու ժամանակ։
Փաշինյանն ընդգծել է, որ վերջին պատերազմի հանգամանքների պարզաբանումը հանրային «հստակ և աներկբա պահանջ է»։ Փաստելով, որ այդ նպատակով Ազգային ժողովում քննիչ հանձնաժողով է ստեղծվելու, Փաշինյանը կարևորել է արտախորհրդարանական ուժերի, զոհերի ու անհետ կորածների հարազատների մասնակցությունն այդ հանձնաժողովի աշխատանքներին։
