Նախագահ Էրդողանը կոչ է արել Միացյալ նահանգներին ֆինանսական, լոգիստիկ ու դիվանագիտական աջակցություն տրամադրել Թուրքիային՝ Աֆղանստանի միջազգային օդակայանի անվտանգությունը երաշխավորելու դիմաց։
Նախագահներ էրդողանն ու Բայդենը դեռ անցած ամիս՝ ՆԱՏՕ-ի գագաթնաժողովում կայացած հանդիպմանը, պայմանավորվել էին, որ Թուրքիան կաջակցի Աֆղանստանի անվտանգությանը, երբ խաղաղապահ զորքերը վերջնականապես դուրս կբերվեն այդ երկրից։
«Եթե մեր առաջադրած պայմանները բավարարվեն, մենք պատրաստ ենք ստանձնել այդ առաքելությունը», - այսօր ասել է Էրդողանը։
«Թալիբան» շարժումը, մինչդեռ, դատապարում է Թուրքիայի այդ պատրաստակամությունն ու կոչ անում Անկարային հեռու մնալ Աֆղանստանի ներքին խնդիրներից։ Ըստ նախապես հայտարարված ծրագրի, ԱՄՆ առաջնորդությամբ Աֆղանստանում գտնվող միջազգային զորախումբը մինչև օգոստոսի 31-ը պետք է վերջնականապես դուրս բերվի երկրից։
