Բրիտանիայում հուլիսի 19-ից չեղարկելու են կորոնավիրուսի կապակցությամբ սահմանված պատժամիջոցների մեծ մասը:
Առողջապահության նախարար Սաջիդ Ջավիդը թագավորության հպատակներին կոչ է արել առավել զգոն լինել, ասելով, որ համավարակը բնավ չի ավարտվել:
Բրիտանիայում հուլիսի 19-ը մամուլում անվանել են «ազատության օր»: Անգլիան կդառնա Բրիտանիայի կազմում առաջին երկիրը, որտեղ ի պաշտոնե կչեղարկվի դիմակներ կրելու և սոցիալական հեռավորություն պահպանելու պահանջը: Մինչդեռ, առողջապահության համակարգի մասնագետները նշում են, որ ամռան ամիսներից հետո կորոնավիրուսով ախտահարվածների թիվը կարող է ավելանալ 100 հազարով: Առողջապահության նախարարը ելույթ է ունեցել խորհրդարանում:
«Մինչ մենք իրականացնում ենք այս փոփոխությունները, չափազանց կարևոր է, որ մարդիկ գործեն զգուշավորությամբ և պատասխանատվությամբ: Օրինակ, տան պայմաններում աշխատողները պետք է աստիճանաբար վերադառնան գրասենյակներ, մարդիկ պետք է հանդիպեն միմյանց, և նպատակահարմար կլինի դիմակներ կրել մարդաշատ վայրերում և տրանսպորտում»,- ասել է նախարարը:
Բրիտանիայում բնակչության ավելի քան 87 տոկոսը ստացել է կորոնավիրուսի դեմ պատվաստանյութի առնվազն առաջին դեղաչափը, և 66 տոկոսն ամբողջությամբ է պատվաստվել:
