Միացյալ Նահանգների նախագահ Ջո Բայդենը երեկ հայտարարել է, որ «դրական և արդյունավետ» բանակցություններ է անցկացրել իր թուրք պաշտոնակցի հետ, որոնց ընթացքում երկու երկրների ղեկավարները քննարկել են հետագա գործողությունները մի շարք հարցերի շուրջ: Այս մասին հայտնում է Reuters լրատվական գործակալությունը:
«Վստահ եմ, որ մենք իրական առաջընթացի կհասնենք հարաբերություններում», - ասել է Բայդենը:
Ռեջեփ Էրդողանը Բրյուսելում ՆԱՏՕ-ի գագաթնաժողովի շրջանակում ԱՄՆ նախագահի հետ իր բանակցությունները որակել է որպես «արդյունավետ և անկեղծ»:
«Մենք կարծում ենք, որ Միացյալ Նահանգների և Թուրքիայի հարաբերություններում խնդիրներ չկան, և համագործակցության ոլորտները մեզ համար ավելի հարուստ և լայն են, քան խնդիրները», - հայտարարել է Թուրքիայի նախագահը:
Հանդիպումից առաջ Էրդողանն ասել էր, թե բարձրացնելու է Բայդենի կողմից Հայոց ցեղասպանության ճանաչման հարցը: Այդ մասին, սակայն, ոչինչ չի հաղորդվում:
Տե՛ս նաև այստեղ
