ՀԱԿ-ը հրապարակեց իր ընտրական ցուցակը

Հայաստանի առաջին նախագահ Լևոն Տեր-Պետրոսյանի գլխավորած Հայ ազգային կոնգրեսն այսօր հրապարակել է հունիսի 20-ի արտահերթ խորհրդարանական ընտրություններում իր համամասնական ցուցակը։

Կուսակցության ցուցակը գլխավորում է Լևոն Տեր-Պետրոսյանը, երկրորդ և երրորդ հորիզոնականներում են համապատասխանաբար Լևոն Զուրաբյանը և Ինեսսա Գաբայանը։ Առաջին տասնյակում են նաև Հայկ Մաղաքելյանը, Բագրատ Ասատրյանը, Աննա Գևորգյանը, Արման Մուսինյանը, Սամվել Աբրահամյանը, Կարինե Յարալյանը և Գրիգոր Գրիգորյանը։

Հիշեցնենք, սահմանված ժամկետում՝ մինչև երեկ ժամը 18-ը, ընտրություններում գրանցման համար Կենտրոնական ընտրական հանձնաժողով փաստաթղթեր է ներկայացրել 23 կուսակցություն և 4 կուսակցությունների դաշինք։