Հայաստանի ԱԳ նախարարի պաշտոնակատար Արա Այվազյանը այսօր հանդիպել է Վրաստանի փոխվարչապետ, ԱԳ նախարար Դավիդ Զալկալիանիի հետ:
Հայաստանի ԱԳՆ-ն հայտնում է, որ զրուցակիցները մտքեր են փոխանակել ինչպես երկկողմ օրակարգի, այնպես էլ՝ բազմակողմ ձևաչափերում փոխգործակցության հարցերի շուրջ:
Հանդիպման ընթացքում կարևորվել է երկու երկրների արտաքին քաղաքական գերատեսչությունների միջև ոլորտային խորհրդակցությունների պարբերական անցկացումը:
Հայաստանի և Վրաստանի արտաքին քաղաքական գերատեսչությունների ղեկավարները հանդիպման ընթացքում անդրադարձել են նաև տարածաշրջանային անվտանգության և փոխկապակցվածության հարցերի: Արա Այվազյանն ընդգծել է, որ ուժի կիրառումը խոչընդոտում է հակամարտությունների կարգավորումը և խաթարում տարածաշրջանային խաղաղությունն ու անվտանգությունը:
Դավիդ Զալկալիանին Հայաստան է ժամանել այսօր՝ Վրաստանի վարչապետ Իրակլի Ղարիբաշվիլիի պատվիրակության կազմում:
