Ռուսաստանցի զինվորականները այսօր Հաղթանակի օրվան նվիրված հանդիսավոր միջոցառում են անցկացրել Լեռնային Ղարաբաղում։ Մայիսի 9-ին նվիրված հավաքին, ըստ TACC գործակալության, մասնակցել է շուրջ 450 ռուսաստանցի զինվորական։
Նրանց առջև ելույթով հանդես է եկել Լեռնային Ղարաբաղում տեղակայված խաղաղապահ զորախմբի հրամանատար, գեներալ Ռուստամ Մուրադովը։ «Տոնական հանրահավաքի մասնակիցներին է ներկայացվել նաև Ռուսաստանի պաշտպանության նախարար Սերգեյ Շոյգուի շնորհավորական ուղերձը, որ հատուկ տեսագրվել է Ղարաբաղում ծառայող խաղաղապահների համար», - հաղորդում է TACC-ը։
