Թբիլիսին մնում է պատրաստակամ՝ հարթակ տրամադրել Հայաստանի ու Ադրբեջանի առաջնորդների բանակցությունների համար, երեկ հայտարարել է Վրաստանի նախագահ Սալոմե Զուրաբիշվիլին՝ Հայաստանի նախագահ Արմեն Սարգսյանի հետ համատեղ ասուլիսում։
«Վրաստանը ղարաբաղյան հակամարտության ընթացքում և հիմա էլ կանգնած է խաղաղության կողքին, և հենց այդ նպատակով էլ առաջարկել ենք Թբիլիսիում հանդիպում անցկացնել՝ երկխոսության ու իրավիճակի կարգավորման համար։ Այդ առաջարկը մնում է ուժի մեջ», - ասել է Զուրաբիշվիլին։
Հայաստանի նախագահը, որ պաշտոնական այցով է մեկնել Վրաստան, հայտարարել է՝ հայ-վրացական հարաբերությունների ամրապնդումը ոչ միայն Հայաստանի, այլև ողջ տարածաշրջանի անվտանգության ամրապնդման կարևոր նախադրյալներից մեկն է։
