Ադրբեջանի նախագահ Իլհամ Ալիևը կառավարությանը հանձնարարել է՝ քննարկել Լեռնային Ղարաբաղում հսկողության տակ հայտնված տարածքներում ջրամբարներ կառուցելու հնարավորությունը:
Այդ մասին Ալիևն ասել է «Մելիորացիայի և ջրի կառավարման» ԲԲԸ նախագահ Զաուր Միկայիլովի հետ տեսակապով տեղի ունեցած հանդիպման ընթացքում:
Ալիևը նշել, է որ «ազատագրված» տարածքներում ջրի ամոենախոշոր աղբյուրներն են Իրանի հետ սահմանին գտնվող «Խուդաֆերինի» և «Գիզ Գալասի» ջրամբարները:
«Դրանք շատ մեծ ջրամբարներ են, Խուդաֆերինի ծավալը 1 միլիարդ 600 միլիոն խորանարդ մետր է, դրա պաշարն օգտագործելու համար, իհարկե, անհրաժեշտ են լրացուցիչ ենթակառուցվածքներ, ջուրը Զանգելան, Ջաբրայիլ, Ղուբաթլի և այլ շրջաններ փոխադրելու համար պետք է կառուցել ջրանցքներ: Դա հսկայական ներուժ է», - ասել է Ալիևը:
Ալիևի խոսքով՝ ավելի քան 10-ը գետերի ակունքներ գտնվում են հսկողության տակ հայտնված տարածքներում:
