Իրանը այսօր հայտնել է, թե համաձայն չէ ամերիկյան պատժամիջոցները փուլ առ փուլ չեղարկելու տարբերակին։ Արտգործնախարարության մամուլի խոսնակ Սաիդ Խաթիբզադեն իրանական Press TV-ին այսօր ասել է, թե Իրանի Իսլամական Հանրապետության քաղաքականության նպատակը ամերիկյան պատժամիջոցների ամբողջովին չեղարկումն է։
Վիեննայում ապրիլի 6-ին նախատեսված են Իրանի և 2015 թվականի միջուկային համաձայնագիրը ստորագրած գերտերությունների ներկայացուցիչների բանակցությունները։ ԱՄՆ-Իրան ուղիղ հանդիպում նախատեսված չէ։
Միջուկային համաձայնագրից ԱՄՆ-ն դուրս է եկել 2018 թվականին՝ Դոնալդ Թրամփի նախագահության ժամանակ։
ԱՄՆ-ի նոր վարչակազմը գտնում է, որ համաձայնագիրը վերականգնելու համար Իրանը պետք է կատարի համաձայնագրով ստանձնած իր պարտավորությունները։
