Ուրուգվայում COVID-19-ից մահացել է խորհրդարանի նախկին պատգամավոր և Մարաշի հայրենակցական միության նախկին նախագահ Նոթար Անտոնիո Զուլամյանը:
Փետրվարի 26-ին Զուլամյանի ծննդյան օրվա առիթով նրա ճաշարանում հավաք էր տեղի ունեցել, որի մասնակիցներից մի քանիսը վարակվել են կորոնավիրուսով և մահացել:
Ուրուգվայում շատ արագ է ընթանում բնակչության պատվաստումը, սակայն զուգահեռաբար աճել է COVID-ով հիվանդների թիվը: Մասնագետներն զգուշացել են, որ հայտնաբերել են վարակի մի նոր տարբերակ, որը եկել է Բրազիլիայից և շատ վտանգավոր է հատկապես երիտասարդների համար։ Համաճարակային իրավիճակը երկրում նրանք գնահատել են որպես ճգնաժամային: Գալիք 10 օրերի ընթացքում Ուրուգվայում համավարակի պատճառով փակ են լինելու կրթական հաստատությունները:
