Եվրամիության երկրներում կորոնավիրուսի համաճարակի երրորդ ալիքն է, այս մասին հայտարարել է Եվրահանձնաժողովի պաշտոնական ներկայացուցիչ Դանա Սպինանտը։
«Մենք մտնում ենք ծանր փուլ, տնտեսությունը լրջորեն կտուժի այս իրավիճակից»,- ասել է դաշինքի գործադիր մարմնի պաշտոնյան՝ կոչ անելով Եվրամիության անդամ երկրներին թափ հաղորդել պատվաստման տեմպերին։ Դանա Սպինանտի խոսքով` Բրյուսելի նպատակն է պատվաստել Եվրամիության բնակչության 70 տոկոսին։
Եվրամիության երկրների շուրջ 447 միլիոն բնակչությունից մինչ օրս պատվաստվել է ընդամենը շուրջ 54 միլիոնը։
